網紅的藏寶箱屯馬線全線開通之後，我一整天往九龍城鑽。 記得讀大專嘅時候，同學係潮州人，佢媽媽對我哋好好，會帶我哋去九龍城食潮州菜，難得今日仍然喺度，就係樂口福嘞。
簡簡單單叫咗幾樣潮州菜，先嚟個蝦棗蟹棗，又叫咗個椒鹽金蠔，仲以爲係流浮山嗰啲金蠔，點知原來係蠔仔粥嗰啲蠔仔，再喺面頭加一層粉漿嚟炸，有啲失望。好彩蠔仔粥就相當唔錯，白果芋泥直情一流添。
不過我今日嚟食潮州菜嘅主要目的，係潮州翅，唔好鬧我，我真係已經好耐好耐好耐好耐冇食翅啦，但係我真係好鍾意好鍾意好鍾意食潮州翅嘅，間中俾我食一次頂下癮啦！
埋單都唔平㗎，但係懷舊氣氛真係好好。除咗個椒鹽金蠔之外，其他都美味。
不過喺行返去地鐵站途中，覺得個頭有啲wing wing地，應該係味精落得太多啦！唔怕，屋企有解藥，飲罐可樂就冇事。
#何嘉麗callmegaga #何嘉麗 #為食路上
#出街玩 #九龍城 #潮州菜 #潮州翅
#樂口福 #白果芋泥 #味精 #解藥 #可口可樂
Search